პოეზიაგალაკტიონ ტაბიძე

აბრეშუმი გვსურს ..

ციკლიდან „რევოლუციონური საქართველო“

აბრეშუმი გვსურს და
არა ძონძები,
მშრომელები -
და არა ხორხონცები.
არავისთვის
საიდუმლო არაა,
მუშას რად სურს
აბრეშუმის მარაო,
მაგრამ ამბობს:
გეყოფათო, კმარაო.
დაიჯერებ -
ან მეტი რა ჩარაა.
მუშასაც სურს
აბრეშუმი, ამრიგათ,
როგორც გინდათ,
ეს ამბავი გაიგეთ.
ეხლა კი მობრძანდით.
მობრძანდით...
აქ არ არის აფრიკა.
დავათვალიეროთ
ჩვენი ფაბრიკა.
და ჩვენ შევყევით.
ჩვენ ვხედავთ
ფეიქრებს დაზგასთან,
ტრიალებს ძაფები,
ხრახნები.
თანდათან,
თანდათან,
თანდათან,
მრავლდება ფაბრიკა-ქარხნები.
Tags
Show More

Related Articles

Leave a Reply

Your email address will not be published. Required fields are marked *

Close