პოეზიაგალაკტიონ ტაბიძე

წინად შენი სპეტაკი გზა ..

წინად შენი სპეტაკი გზა
და ვარდები ფეხით სთელეს,
მერე ვითომ შერცხვათ ცოტა
და ჩანგს მისწვდნენ უგულწრფელესს.

კარგი, კმარა, ვინ არ ხედავს -
ეს სიმორცხვე ამაოა -
მას ზეიმი დაერქმევა
და დამარხვა კი გამოვა.

დამფასებლის სამოსელში
გაეხვევა მტრების ჯარი,
მაგრამ მათი ღრიანცელი
ცინიზმია საზიზღარი!

ანგარიშში სცდება მტერი,
როს მღერის და გულში ღრინავს -
მას არ სძინავს არასოდეს,
მაგრამ ეხლა არც მე მძინავს.
Print Friendly, PDF & Email
Tags
Show More

Related Articles

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

Check Also

Close
Close
ზედა პანელზე გადასვლა