გალაკტიონ ტაბიძეპოეზია

შესდგა ცხენი

ციკლიდან „პაციფიზმი“

შესდგა ცხენი.
მზეზე ბზინვა ბზიფის,
ღელვად მისდევს
ყვავილების ბიბინს.

მაჭახელის -
მცნობი მუსაიფის,
მონადირეც
მისდევს ბზიფის კიბეს.

ფერადია
სამოსელი ბზიფის -
ხოხობივით
მშვენიერი დიბის.

ცისარტყელათ
შუა, იმა კიბეს,
სდგას ირემი...
ხედი ხიბლავს ბზიფის.

სურნელება
ლბილი თივის თიბვის -
აი რაა
დილა მზიურ ბზიფის.

და მტევნების
სულ მწიფეზე მწიფის
მსგავსებაა
ჩუქურთმები ბზიფის.

ჰანგი ესმის
ბზიფის სიირიბეს -
დოვლათისა,
არა სიღარიბის.
Tags
Show More

Related Articles

Leave a Reply

Your email address will not be published. Required fields are marked *

Close