პოეზიაგალაკტიონ ტაბიძე

აგერ გამოჩნდა ვარშავა

აგერ გამოჩნდა ვარშავა.
უკან მოგვჩხავის ფრინველი
კლანჭ-დაბასრული, ფრთაშავა,
ცივი ხმით გულგამყინველი.

ან თხრილებია, ან განა
ხრამია მსგავსი სამარის,
ხრამში აგდია მანქანა,
შეხედეთ, აბა, ეს არის?

მანქანებს რომ ეფერება
შრომის გუგუნი ზვიადი,
ეს არის ბედნიერება
განუსაზღვრელი, დიადი.

თუ, როგორც გრგვინვა ქარისა,
წინ მიდის ჩვენი დროება,
ამისი შესადარისი -
ჯილდო არ მოიპოება.

მზე, არა გამათხოვრება!
პირდაპირ, არა გან-განა!
თორემ ეს არის ცხოვრება?
ეს დამსხვრეული მანქანა?
Print Friendly, PDF & Email
Tags
Show More

Related Articles

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

Check Also

Close
Close
ზედა პანელზე გადასვლა