პოეზიაგალაკტიონ ტაბიძე

პოეტი, ვინაც წრფელია გულით

პოეტი, ვინაც
წრფელია გულით,
საკმარისია
ხმის ამოღება,
რომ მას თან მოჰყვეს
სრული გუგუნით
აღფრთოვანება
ან ამბოხება.

გზით, გაკვალულით
მის მიერ, მიდის
ხანა, მავალი
დიდის დიდებით,
იზრდება ღელვა
კიდითი კიდის
სასწაულების
მაგალითებით.

უფრო ძლიერად
გაივლის ზოლად
და მიეცემა
ძალა სიმღერებს,
როდესაც ლექსი
დაუნდობლად სცემს
ჩარჩ-გამყიდველებს
და გაიძვერებს.
Print Friendly, PDF & Email
Tags
Show More

Related Articles

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Close
Close